Skemmtilegt tómstundagaman

Ég er ekki búin að gefast upp á heterohringjunum.

Að hnita heterohringi um landið
er gaman hvar sem þið standið.
Þið tyllið ykkur á tá
og reynið að sjá
hvar best muni að kaupa blandið.

Spamarar eru fullir innsæis

Ég mun aldrei hætta að undrast hið ótrúlega innsæi venjulegs spamara. Þessar elskur heita allt frá Orgasm B. Focker upp í Vicodin C. Morphine og þær senda mér reglulega upplýsingar um ódýrt viagra, hræbilleg róandi lyf, krassandi klámsíður og hvernig næla á sér í háskólagráðu án fyrirhafnar. Þetta lið er greinilega með mín helstu áhugmál á hreinu og veit alveg hvað það er sem ég helst þrái. Þó gekk alveg fram af mér núna þegar Mason nokkur Mercer sendir mér hjartnæmt bréf um að if my wife is in lot of pain, þá geti hann nú reddað mér verkjalyfjum fyrir slikk. Eiginkona mín er eftir því sem ég best veit ófundin enn. Ég kann samt ekki við að segja Masoni það fyrst hann er svona elskulegur að bjóða mér leið til að hressa kerlu.