Lært af reynslunni
Ég læri aldrei af reynslunni. Allt frá því ég var smábarn hef ég reynt að föndra og vinna í höndunum eins og vinkonur mínar en á meðan þær framleiða hvert snilldarverkið á fætur öðru skila ég af mér óskapnaði sem enginn skilur hvernig varð til. Þetta verður best skýrt með vísunni gömlu:
Skrattinn fór að skapa mann
skinnlaus köttur varð úr því.
Hann andanum kom ekki í hann.
Hann átti að heita Þórarinn.
En aftur að sögunni sem ég ætlaði að segja. Ég keypti mér nefnilega brúnkuklúta í gær. Einhver laug því að mér að þeir væru svo auðveldir í notkun að engin hætta væri á að lenda í sömu súpunni og ég hef svo oft lent í með brúnkukrem. Ég lét blekkjast og í dag lít ég sem sagt út eins og rauðskinni með hræðilegan húðsjúkdóm. Ég læri aldrei af reynslunni.
posted by Steingerdur hin storskorna at 12:54 e.h.
2 Comments:
Æi, elskan mín. Mér tókst þetta ágætlega um daginn. Setti á mig á laugardegi og liturinn búinn að jafna sig eftir bað og alles á mánudegi þegar ég kom brún og hraustleg í vinnuna. Hendurnar voru klaufalegar ... ætla ekki að rjóða þessum andskota á hendurnar aftur. Appelsínugult og blettótt varð það. En skárra á mánudeginum, mun skárra. Gangi þér vel næst og mundu að setja þetta kerfisbundið á andlitið, ekki gleyma eyrnasneplunum ... og gerðu þetta á laugardegi, þú getur farið með slæðu fyrir andlitinu út á sunnudeginum. Knús til þín vinnandi manneskja frá sumarfrísdömunni.
Verð að játa að það var mér mikil gleði að fá tækifæri til þess að sjá systur mína flekkótta eins og Dalmatíu hund. Mér datt í hug lýsingar Michaels Jacksons á "húðsjúkdómnum " sem leiddi til þess að hann varð hvítur. Hann varð einmitt svona flekkóttur líka. My sister is just like the King of Pop. Jolly.
Skrifa ummæli
<< Home