Sjálfsrækt í gróðurhúsi

Ég er á leið á sjálfsræktarnámskeið um helgina. Varla er hægt að hugsa sér betri leið til að halda upp á fjörutíu og fimm ára afmælið en að eyða helginni í hugleiðslu, slökun og annað dekur. Svava systir og Andri ætla að fara í gönguferðir með hundinn og reyna að lífga upp á vistina hjá Evu sem mun verða hundapía um helgina. Ég vona einlæglega að hundurinn éti ekki börnin mín en tel að í sjálfu sér sé það mikið af Svövu að ekki komi að sök þótt það minnki eitthvað. Síðan lofa ég sjálfsræktuðu reporti á mánudaginn.