Ég er ráðagóð og rætin

Stefán frændi minn kvartar undan ókurteisri símastúlku á blogginu sínu í dag www.blog.central.is/magisterinn. Ég ráðlagði honum að sjálfsögðu að hringja reglulega í hana úr nokkrum mismunandi símum og vera til skiptis nýbúi af austurlenskum uppruna að reyna að panta lilla klosett med fodum og ilmi eða rússneskur mafíósi að reyna að ná sambandi við peningaþvottastöð sína hér á landi. Hann gæti þá brugðist reiður við öllu og hótað að senda hitman ef hún ekki skilaði milljónunum sem lagðar voru inn á reikning hennar í gær. En ef þetta dugir ekki til að kenna stúlkunni að bera virðingu fyrir mönnum eins og magisternum get ég áreiðanlega látið mér detta eitthvað fleira í hug.